Herenk

Hâmî-i Mar-aşî /Hâmî Abdu’l-Gaffâr Baba

Hâmî-i Mar-aşî /Hâmî Abdu’l-Gaffâr Baba

Âşıkam meftûn-ı cânân olmayan bilmez beni

Hançer-i ʿaşk ile kurbân olmayan bilmez beni

Anlamaz ahvâlimi her ûf-meşreb müddeî

Bâde-nûş-i bezm-i ʿirfân olmayan bilmez beni

II

Arturup sevdâ ser-i pür-ş’ûra her dem zülf-i yâr

İtdiren hep ʿaşḳ-ı dil-berdir bana terk-i diyâr

Ehl-i derdem sırrımı nâ-dâna itmem âşikâr

Hikmet-i ʿaşk içre Lokmân olmayan bilmez beni

III

Mâʾilem bir şûha cevr eyler ben itdikce niyâz

Rahm idüp bir dem dil-i bimâra olmaz çare-sâz

Öyle zâr itmiş beni ol Yûsuf-ı iklm-i nâz

Hicr ile Yaʿkûb-ı Kenʿân olmayan bilmez beni

IV

Sâk-i ʿirfân elinden nûş idüp peymâneyi

Târ-ı zülf-i yâre bend itdim dil-i divâneyi

Hep ʿalâyıkdan geçüp itdim vatan mey-hâneyi

Fakr iklminde sultân olmayan bilmez beni

V

Ḫalk-ı ʿâlem şekker-i laʿl-i lebinden kâm-yâb

Ḳalmışam bî-behre ben ancaḳ esr-i tef ü tâb

Mürg-i cânım Hâmâsâ oldı firḳatle kebâb

Hasret ü sûz ile biryan olmayan bilmez beni.

Hâmî Abdu’l-Gaffâr Baba

 

BU KONUYU SOSYAL MEDYA HESAPLARINDA PAYLAŞ
ZİYARETÇİ YORUMLARI

Henüz yorum yapılmamış. İlk yorumu aşağıdaki form aracılığıyla siz yapabilirsiniz.

BİR YORUM YAZ

This site uses Akismet to reduce spam. Learn how your comment data is processed.